இன்று தொடக்கம் இந்த சிதறும் சில்லறைகள் இடுக்கையை இடையிடையே எழுத எண்ணியுள்ளேன் முழுமையாக எழுதமுடியாமல் போனவைகளுக்காகவும் சேர்த்து....
இன்று பிடித்த நாள்
ஆபிரிக்காவின் தங்கம் சின்னம் என்று போற்றப்படும் முன்னாள் தென்னாபிரிக்க ஜனாதிபதி, திரு. நெல்சன் மண்டேலா பிறந்ததினம்.
இவரைக் கெளரவிக்கும் முகமாக ஐக்கிய நாடுகள் சபையினால் இன்றைய தினம் ஜூலை 18ஆந்திகதி
"சர்வதேச நெல்சன் மண்டேலா தினம்" ஆக 2009 ஆம் ஆண்டு நவம்பர் மாதம் பிரேரணை சமர்ப்பிக்கப்பட்டு இன ஒற்றுமைக்காக, மனித உரிமைகளுக்காக, போர் முரண்பாடுகளுக்குத் தீர்வு நாளாக கொண்டாடப்படுகிறது.
அமைதி மற்றும் சுதந்திரத்திற்கு நெல்சன் மண்டேலா செய்த பங்களிப்புக்கு மரியாதை செய்யும் விதமாக ஐ.நா உத்தியோக தகவலை இங்கு காண்க
சர்வதேச நெல்சன் மண்டேலா தினம்
கவலை
மட்டக்களப்பு ஏ-4 வீதி செப்பனிட்டு வீதி அகலப்படுத்தப்பட்டு திருத்தவேலைகள் நடைபெற்றுவருகிறது. இதற்காக வீதியோர மரங்கள் தவிர்க்கப்பட முடியாமல் வெட்டப்பட்டுக்கொண்டிருக்கின்றன. இது மட்டக்களப்பு கல்லடியின் வீதியோரத்தில் கடந்தவாரம் வெட்டப்பட்டு கிடக்கும் புளியமரங்கள்.. நான் அடிக்கடி உந்துருளியில் செல்லும்போது அலைபேசியில் யாரோடும் அவசரதொடர்புகொள்ள நான் நிற்பாட்டி கதைக்கும் அந்த மரங்களின் நிழல் இனி இல்லை. நல்ல பழங்கள் (அனேகமாக மாம்மழம்) வாங்கும் அந்த இடம் இல்லை... வேறுவழியில்லாமல் வெட்டப்படுகின்றன. ஆனால் வெட்டப்பட்டவைகளுக்காக ஒருமரமாவது நடப்படுமா வேறெங்கிலும்... இதுக்குத்தான் எதையும் திட்டமிட்டு செய்திருந்தால் இந்தக் கொடுமை இருந்திருக்காது இல்லையா..
திருந்துவார்களா??
இந்தப்படத்தைப்பாருங்கள் என்னொட ஒரு நண்பன் சிகரெட் புகைக்கும் போது அவன் உறவுக்காரன் ஒருவனைக் கண்டதும் அவன் ஆறாம் விரல் இருந்த இடம்.
எதற்கு இந்தப் பொழைப்பு
அனுபவம் சொல்லுது:
"பிரச்சனைகள் வருவதில்லை என்றால் நீங்கள் வாழ்க்கை வாழவில்லை என்று அர்த்தம். எல்லாம் கிடைக்கிறது நீங்கள் நினைத்தபடி நடக்குது என்றால் வாழ்க்கை வேலைக்காவாது"
